Patama

PATAMA

Kapag sinalo mo ang patama ng dalawang kamay at nasaktan... ibig sabihin guilty ka... pero mabuti yan, patunay lamang na may damdamin ka pang natitira at magagamit yan upang baguhin ang mali... dahil hindi pa huli ang lahat.

Tulad mo... tULAD KO... tulad nating lahat hindi tayo mga perpektong tao... pero hindi naman ito tuntungan upang dagdagan pa natin ang napakaraming imperpeksyon. Anomang patama na tumatama sa atin ay bunga rin ng mga likhang/kilos at mga aksyon natin sa ating kapaligiran...

Anomang PATAMA ay hindi naglalayong wasakin ang tao manapa'y naglalayong balansehin ang enerhiya sa pagitan ng negatibo at positibo. Kapag ito ay naramdaman ng taong nakadama ng PATAMA at nagawa niyang isaayos ang lahat ay muling sisibol ang harmonya sa pagitan ng mga nagtatalabang enerhiya.

Kung gayon... ang salitang PATAMA ay puwede nating ikawing sa pagsasanib ng unlaping PA at salitang ugat na TAMA sa madaling salita ang PA ay may nakakubling aksyon at ang TAMA naman ay nangangahulugang "wasto o nasa tamang kaayusan" kung gayon ang PATAMA ay maaaring mangahulugan ng ganito "Para Itama"...

'YAN ANG PATAMA!

Nanatili,

Punong Babaylan